Gas venenoso na Primer Guerra Mundial

L'usu de gas venenoso na Primer Guerra Mundial foi una importante innovación militar. Los gases utilizaos diben dende'l gas llacrimóxeno a axentes incapacitantes como'l gas mostaza y axentes letales como'l fosgeno. Esta guerra química foi unu de los principales elementos de la primera guerra global y tamién de la primera guerra total del sieglu XX.

La capacidá letal del gas yera llindada —solo'l 3% de les muertes en combate fueron debíes al gas—, pero la proporción de baxes non letales foi alta, llegando'l gas a ser unu de los factores más tarrecíos ente los soldaos. Al contrariu que la mayoría de les armes de la dómina, foi posible desenvolver contramedidas efeutives pal gas. D'ende que nes fases finales de la guerra, anque l'usu del gas aumentó, en munchos casos la so efeutividá menguó. Debíu al usu xeneralizáu de la guerra química, amás de les importantes meyores na fabricación d'esplosivos d'alto poder, dacuando calificóse a la Primer Guerra Mundial como "la guerra de los químicos".